ഫാര്‍മസി പഠനത്തിനു ശേഷം ട്രെയിനിങ്ങ് തിരുവനന്തപുരം എസ്.എ.ടി ആശുപത്രിയില്‍ ആയിരുന്നു. മൂന്നു മാസത്തെ അവിടത്തെ ജീവിതത്തിനിടയില്‍ ശരിക്കും വേദന നിറഞ്ഞ കുറേ കാഴ്ചകള്‍ കാണേണ്ടി വന്നു. എത്ര കുരുന്നു ജീവിതങ്ങള്‍ ആണ് അവിടെ ദിവസവും പൊലിയുന്നത് . നമ്മള്‍ എന്തിനാണ് ഇ വ്യര്‍ത്ഥ ജീവിതത്തെ ഓര്‍ത്ത് ഇത്രയും അഹങ്കരിക്കുന്നത് .
തന്‍ മകനെയോര്‍ത്ത് കേഴും
താതന്‍ തന്‍ കരച്ചില്‍ കേള്‍പ്പു
തന്‍ കയ്യില്‍ നിശ്ചലം കിടക്കും
മകനെ തലോടും
താതന്‍ തന്‍ ദുഖം കേള്‍പ്പു
എത്രയോ നാളായി കാത്തിരുന്നു
ഒരിളം പൈതലിന്‍ മുഖം കാണ്മാന്‍
ദൈവം അവനേകി
ആയുസറ്റ പൈതലിനെ
എത്രയോ സ്വപ്നങ്ങള്‍ അവന്‍ കണ്ടു
എല്ലാം തകര്‍ന്നു ക്ഷണത്തില്‍
മനുഷ്യന്‍ ചിന്തിക്കും കാര്യങ്ങള്‍
തിരുത്തി കുറിക്കും പ്രപജ്ഞ സൃഷ്ട
തന്‍ മകനെയോര്‍ത്ത് തേങ്ങും
താതന്‍ തന്‍ കരച്ചില്‍ കേള്‍പ്പു
No comments:
Post a Comment